Shugaban gamayyar jami’o’in MAAUN Farfesa Adamu Abubakar Gwarzo, ya bayar da tallafin motar alfarma mai cin kujeru 60 ga Foliteknik ta Gwa...
Shugaban gamayyar jami’o’in MAAUN Farfesa Adamu Abubakar Gwarzo, ya bayar da tallafin motar alfarma mai cin kujeru 60 ga Foliteknik ta Gwamnatin Tarayya dake Kabo a jihar Kano.
Ya ce motocin za su
saukaka zirga-zirgar ma’aikata da daliban makarantar ta gwamnatin tarayya.
Farfesan ya sanar da
bayar da tallafin ne a ranar Larabar da ta gabata a lokacin da ya kai ziyarar
nuna goyon baya ga shugaban makarantar, Farfesa Magaji Sanusi.
Farfesa Magaji ya rike
mukamin shugaban riko na Jami’ar Maryam Abacha American University ta Nijeriya
dake Kano.
Kafin wannan rana, a
wajen taron bikin yaye dalibai karo na tara na Jami’ar Tarayya da ke Dutsimma a
Jihar Katsina, Farfesa Gwarzo ya kuma bai wa jami’ar kyautar motar bas mai
dauke da kujeru 60 na alfarma domin saukaka wa dalibai da ma’aikata wajen zirga-zirga.
A baya dai Farfesa
Gwarzo, ya bayar da wata motar bas ta alfarma ga Jami’ar Al-Istiqama da ke
Sumaila a Jihar Kano.
Farfesa Gwarzo,
hamshakin dan kasuwa kuma mai kishin ci gaban ilimi mai taimakon al’umma, shi
ne wanda ya kafa Jami’o’in Maryam Abacha da ke Maradi, a Jamhuriyar Nijar; da
Jami’o’in Maryam Abacha da ke Kano, Nijeriya; Franco British International
University, Kaduna; da kuma Jami'ar Kanada ta Nijeriya a Abuja.
A garin Kabo, wanda ya
assasa jami’o’in na MAAUN ya taya Farfesa Magaji murnar nadin da aka yi masa a
matsayin farkon shugaban wannan babbar Foliteknik.
“Wannan rana ce ta musamman
a gare mu, domin an nada daya daga cikin mu a matsayin shugaban wannan cibiya
ta ilimi. Ina taya ma’aikata murna saboda mutum ne mai basira da zai bunkasa
wannan cibiyar ilimin,” inji shi.
Farfesa Gwarzo ya
bukaci ma’aikatan makarantar da su bai wa Farfesa Magaji goyon baya da hadin
kai da ake bukata domin ba shi damar kawo ci gaban da ake bukata a sabuwar makarantar
ta yadda za ta yi gogayya da sauran takwarorinta a fadin kasar nan.
No comments