Ciritawan Zazzau Alhaji Isyaku Ya Rasu Yana Da Shekara 92

Mun samu Labarin rasuwar Ciritawan Zazzau Alhaji Isyaku Muhammad Ashiru mai shekaru 92 bayan ya yi fama da doguwar jinya. A wata...

Mun samu Labarin rasuwar Ciritawan Zazzau Alhaji Isyaku Muhammad Ashiru mai shekaru 92 bayan ya yi fama da doguwar jinya.

A wata sanarwa da ta samu sanya hannun Wakilin Yaɗa labaran Masarautar Kudan Yusuf Ibrahim kudan. 

Alhaji Isyaku Muhammad Ashiru kafin rasuwarsa ya taɓa zama Hakimin Kudan a yankin ƙaramar hukumar Kudan a jihar Kaduna.

Marigayin ya rasu ya bar mata 3 da 'ya'ya 24 da jikoki da dama da kuma ƴan uwa maza da mata.

Cikin su akwai Mayanan Arewan Zazzau kuma Hakimin Hunkuyi Aminu Muhammad Ashiru, sai Alhaji Isa Muhammad Ashiru Ɗan takarar gwamnan jihar Kaduna a zaɓen Shekara ta 2023 da wasu da dama.

An yi jana'izarsa  da misalin 5 na yammacin ranar Lahadi A fadar garin  Kudan.